കുരുക്ഷേത്രയുദ്ധം

ഏത് കാലത്തുമുണ്ട്
കുരുക്ഷേത്ര യുദ്ധങ്ങൾ.
അധികാരം ആയുധത്തിൽ
അധിഷ്ഠിതമാകുമ്പോൾ
വഞ്ചകരായ സേനാനികളുടെ
പത്മവ്യൂഹത്തിൽ അകപ്പെട്ടു
പോവുന്ന അഭിമന്യുമാർ .
ആജ്ഞാനുവർത്തികളായശിഷ്യന്മാരെയേ
 ദൈവങ്ങൾക്കു വേണ്ടു.
തങ്ങളുടെ എതിരാളികളായി തീരാവുന്ന
വീരന്മാരോട് വലംകൈയിലെ പെരുവിരൽ
അറുത്തിടാനവർ അരുളി ചെയ്യും .
നിനവും കനിവും വിതക്കപ്പെട്ട
മർത്ത്യമാനസം ഊഷരഭൂമിയല്ല.
കാതലായി കരുണാർദ്രമായ
ഒരു ഹൃദയമുണ്ടെങ്കിൽ
കൈക്കുമ്പിളിലെ ഒരു കുടന്ന വെള്ളത്തിലും
ജീവിതത്തിന്റെ നേര് നിറച്ച കടലിരമ്പം കേൾക്കാം.